dīghanakhasuttaṃ (MN 74-디가나카 경) 201-204.

2 110 2019.04.29 14:42

4 MN 74-디가나카 경 201-204.dīghanakhasuttaṃ.hwp (19.5K) 2019.04.29

3. paribbājakavaggo, 4. dīghanakhasuttaṃ (MN 74-디가나카 경)

201. evaṃ me sutaṃ — ekaṃ samayaṃ bhagavā rājagahe viharati gijjhakūṭe pabbate sūkarakhatāyaṃ. atha kho dīghanakho paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. ekamantaṃ ṭhito kho dīghanakho paribbājako bhagavantaṃ etadavoca — “ahañhi, bho gotama, evaṃvādī evaṃdiṭṭhi — ‘sabbaṃ me nakkhamatī’”ti. “yāpi kho te esā, aggivessana, diṭṭhi — ‘sabbaṃ me nakkhamatī’ti, esāpi te diṭṭhi nakkhamatī”ti? “esā ce me, bho gotama, diṭṭhi khameyya, taṃpassa tādisameva, taṃpassa tādisamevā”ti. “ato kho te, aggivessana, bahū hi bahutarā lokasmiṃ ye evamāhaṃsu — ‘taṃpassa tādisameva, taṃpassa tādisamevā’ti. te tañceva diṭṭhiṃ nappajahanti aññañca diṭṭhiṃ upādiyanti. ato kho te, aggivessana, tanū hi tanutarā lokasmiṃ ye evamāhaṃsu — ‘taṃpassa tādisameva, taṃpassa tādisamevā’ti. te tañceva diṭṭhiṃ pajahanti aññañca diṭṭhiṃ na upādiyanti. santaggivessana, eke samaṇabrāhmaṇā evaṃvādino evaṃdiṭṭhino — ‘sabbaṃ me khamatī’ti; santaggivessana, eke samaṇabrāhmaṇā evaṃvādino evaṃdiṭṭhino — ‘sabbaṃ me nakkhamatī’ti; santaggivessana, eke samaṇabrāhmaṇā evaṃvādino evaṃdiṭṭhino — ‘ekaccaṃ me khamati, ekaccaṃ me nakkhamatī’ti. tatraggivessana, ye te samaṇabrāhmaṇā evaṃvādino evaṃdiṭṭhino — ‘sabbaṃ me khamatī’ti tesamayaṃ diṭṭhi sārāgāya santike, saññogāya santike, abhinandanāya santike ajjhosānāya santike upādānāya santike; tatraggivessana ye te samaṇabrāhmaṇā evaṃvādino evaṃdiṭṭhino — ‘sabbaṃ me nakkhamatī’ti tesamayaṃ diṭṭhi asārāgāya santike, asaññogāya santike, anabhinandanāya santike, anajjhosānāya santike, anupādānāya santike”ti.

이렇게 나는 들었다. ㅡ 한때 세존은 라자가하에서 독수리봉 산의 수까라카따에 머물렀다. 그때 디가나카 유행승이 세존에게 왔다. 와서는 세존과 함께 인사를 나누었다. 유쾌하고 기억할만한 이야기를 주고받은 뒤 한 곁에 섰다. 한 곁에 선 디가나카 유행승은 세존에게 이렇게 말했다. ㅡ “고따마 존자여, 나는 이렇게 주장하고 이런 견해를 가졌습니다. ㅡ ‘모든 것은 나에게 인정되지 않는다.’라고.” “악기웻사나여, ‘모든 것은 나에게 인정되지 않는다.’라는 견해도 그대에게 인정되지 않습니까?” “고따마 존자여, 저에게 이 견해는 인정된다고 해도 그것도 마찬가지입니다. 그것도 마찬가지입니다.” “악기웻사나여, ‘그것도 마찬가지입니다. 그것도 마찬가지입니다.’라고 말하는 사람들이 그 견해를 버리지 않고 또 다른 견해를 붙잡습니다. 그런 사람이 세상에는 많고, 더욱 많습니다. 악기웻사나여, ‘그것도 마찬가지입니다. 그것도 마찬가지입니다.’라고 말하는 사람들이 그 견해를 버리고 또 다른 견해를 붙잡지 않습니다. 그런 사람이 세상에는 적고, 더욱 적습니다. 악기웻사나여, ‘모든 것은 나에게 인정된다.’라고 이렇게 주장하고 이런 견해를 가진 어떤 사문-바라문들이 있습니다. 악기웻사나여, ‘모든 것은 나에게 인정되지 않는다.’라고 이렇게 주장하고 이런 견해를 가진 어떤 사문-바라문들이 있습니다. 악기웻사나여, ‘어떤 것은 나에게 인정되고, 어떤 것은 나에게 인정되지 않는다.’라고 이렇게 주장하고 이런 견해를 가진 어떤 사문-바라문들이 있습니다. 거기서, 악기웻사나여, ‘모든 것은 나에게 인정된다.’라고 이렇게 주장하고 이런 견해를 가진 그들의 이 견해는 친밀에 가깝고, 족쇄에 가깝고, 기쁨에 가깝고, 묶임에 가깝고, 집착에 가깝습니다. 거기서, 악기웻사나여, ‘모든 것은 나에게 인정되지 않는다.’라고 이렇게 주장하고 이런 견해를 가진 그들의 이 견해는 친밀 없음에 가깝고, 족쇄 없음에 가깝고, 기쁨 없음에 가깝고, 묶임 없음에 가깝고, 집착 없음에 가깝습니다.”

202. evaṃ vutte, dīghanakho paribbājako bhagavantaṃ etadavoca — “ukkaṃseti me bhavaṃ gotamo diṭṭhigataṃ, samukkaṃseti me bhavaṃ gotamo diṭṭhigatan”ti. “tatraggivessana, ye te samaṇabrāhmaṇā evaṃvādino evaṃdiṭṭhino — ‘ekaccaṃ me khamati, ekaccaṃ me nakkhamatī’ti. yā hi tesaṃ khamati sāyaṃ diṭṭhi sārāgāya santike, saññogāya santike, abhinandanāya santike, ajjhosānāya santike, upādānāya santike; yā hi tesaṃ nakkhamati sāyaṃ diṭṭhi asārāgāya santike, asaññogāya santike, anabhinandanāya santike, anajjhosānāya santike, anupādānāya santike. tatraggivessana, ye te samaṇabrāhmaṇā evaṃvādino evaṃdiṭṭhino — ‘sabbaṃ me khamatī’ti tattha viññū puriso iti paṭisañcikkhati — ‘yā kho me ayaṃ diṭṭhi — sabbaṃ me khamatīti, imañce ahaṃ diṭṭhiṃ thāmasā parāmāsā abhinivissa vohareyyaṃ — idameva saccaṃ moghamaññanti; dvīhi me assa viggaho — yo cāyaṃ samaṇo vā brāhmaṇo vā evaṃvādī evaṃdiṭṭhi — sabbaṃ me nakkhamatīti, yo cāyaṃ samaṇo vā brāhmaṇo vā evaṃvādī evaṃdiṭṭhi — ekaccaṃ me khamati, ekaccaṃ me nakkhamatīti — imehi assa dvīhi viggaho. iti viggahe sati vivādo, vivāde sati vighāto, vighāte sati vihesā’. iti so viggahañca vivādañca vighātañca vihesañca attani sampassamāno tañceva diṭṭhiṃ pajahati aññañca diṭṭhiṃ na upādiyati. evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hoti.

이렇게 말하자, 디가나카 유행승은 세존에게 이렇게 말했다. ㅡ “고따마 존자께서는 저의 치우친 견해를 칭찬합니다. 고따마 존자께서는 저의 치우친 견해를 매우 칭찬합니다.”라고.

“거기서 악기웻사나여, ‘어떤 것은 나에게 인정되고, 어떤 것은 나에게 인정되지 않는다.’라고 이렇게 주장하고 이런 견해를 가진 그 사문-바라문들에게, 인정하는 그들의 견해는 친밀에 가깝고, 족쇄에 가깝고, 기쁨에 가깝고, 묶임에 가깝고, 집착에 가깝습니다. 인정하지 않는 그들의 견해는 친밀 없음에 가깝고, 족쇄 없음에 가깝고, 기쁨 없음에 가깝고, 묶임 없음에 가깝고, 집착 없음에 가깝습니다. 거기서 악기웻사나여, ‘모든 것은 나에게 인정된다.’라고 이렇게 주장하고 이런 견해를 가진 그 사문-바라문들 가운데 현명한 사람은 이렇게 숙고합니다. ㅡ ‘모든 것은 나에게 인정된다는 나의 이런 견해를 만약 내가 강하고 집착하고 경향을 가지고 ‘이것만이 진리요, 다른 것은 쓸모가 없다.’라고 말한다면, 나에게 두 사람과 더불어 다툼이 있을 것이다. ‘모든 것은 나에게 인정되지 않는다.’라고 이렇게 주장하고 이런 견해를 가진 그 사문이나 바라문 그리고 ‘어떤 것은 나에게 인정되고, 어떤 것은 나에게 인정되지 않는다.’라고 이렇게 주장하고 이런 견해를 가진 그 사문이나 바라문 ㅡ 이런 두 사람과 더불어 다툼이 있을 것이다. 이렇게 다툼이 있을 때 논쟁이 있고, 논쟁이 있을 때 분함이 있고, 분함이 있을 때 해침이 있다. 이렇게 자신에게서 다툼과 논쟁과 분함과 해침을 관찰하는 그는 그 견해를 버리고 다른 견해를 붙잡지 않는다. 이렇게 그 견해들을 버린다. 이렇게 그 견해들을 놓는다.

203. “tatraggivessana, ye te samaṇabrāhmaṇā evaṃvādino evaṃdiṭṭhino — ‘sabbaṃ me nakkhamatī’ti tattha viññū puriso iti paṭisañcikkhati — ‘yā kho me ayaṃ diṭṭhi — sabbaṃ me nakkhamatī’ti, imañce ahaṃ diṭṭhiṃ thāmasā parāmāsā abhinivissa vohareyyaṃ — idameva saccaṃ moghamaññanti; dvīhi me assa viggaho — yo cāyaṃ samaṇo vā brāhmaṇo vā evaṃvādī evaṃdiṭṭhi — sabbaṃ me khamatīti, yo cāyaṃ samaṇo vā brāhmaṇo vā evaṃvādī evaṃdiṭṭhi — ekaccaṃ me khamati ekaccaṃ me nakkhamatīti — imehi assa dvīhi viggaho. iti viggahe sati vivādo, vivāde sati vighāto, vighāte sati vihesā’. iti so viggahañca vivādañca vighātañca vihesañca attani sampassamāno tañceva diṭṭhiṃ pajahati aññañca diṭṭhiṃ na upādiyati. evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hoti.

거기서 악기웻사나여, ‘모든 것은 나에게 인정되지 않는다.’라고 이렇게 주장하고 이런 견해를 가진 그 사문-바라문들 가운데 현명한 사람은 이렇게 숙고합니다. ㅡ ‘모든 것은 나에게 인정되지 않는다는 나의 이런 견해를 만약 내가 강하고 집착하고 경향을 가지고 ‘이것만이 진리요, 다른 것은 쓸모가 없다.’라고 말한다면, 나에게 두 사람과 더불어 다툼이 있을 것이다. ‘모든 것은 나에게 인정된다.’라고 이렇게 주장하고 이런 견해를 가진 그 사문이나 바라문 그리고 ‘어떤 것은 나에게 인정되고, 어떤 것은 나에게 인정되지 않는다.’라고 이렇게 주장하고 이런 견해를 가진 그 사문이나 바라문 ㅡ 이런 두 사람과 더불어 다툼이 있을 것이다. 이렇게 다툼이 있을 때 논쟁이 있고, 논쟁이 있을 때 분함이 있고, 분함이 있을 때 해침이 있다. 이렇게 자신에게서 다툼과 논쟁과 분함과 해침을 관찰하는 그는 그 견해를 버리고 다른 견해를 붙잡지 않는다. 이렇게 그 견해들을 버린다. 이렇게 그 견해들을 놓는다.

204. “tatraggivessana, ye te samaṇabrāhmaṇā evaṃvādino evaṃdiṭṭhino — ‘ekaccaṃ me khamati, ekaccaṃ me nakkhamatī’ti tattha viññū puriso iti paṭisañcikkhati — ‘yā kho me ayaṃ diṭṭhi — ekaccaṃ me khamati, ekaccaṃ me nakkhamatīti, imañce ahaṃ diṭṭhiṃ thāmasā parāmāsā abhinivissa vohareyyaṃ — idameva saccaṃ moghamaññanti; dvīhi me assa viggaho — yo cāyaṃ samaṇo vā brāhmaṇo vā evaṃvādī evaṃdiṭṭhi — sabbaṃ me khamatīti, yo cāyaṃ samaṇo vā brāhmaṇo vā evaṃvādī evaṃdiṭṭhi — sabbaṃ me nakkhamatīti — imehi assa dvīhi viggaho. iti viggahe sati vivādo, vivāde sati vighāto, vighāte sati vihesā’. iti so viggahañca vivādañca vighātañca vihesañca attani sampassamāno tañceva diṭṭhiṃ pajahati aññañca diṭṭhiṃ na upādiyati. evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hoti.

거기서 악기웻사나여, ‘어떤 것은 나에게 인정되고, 어떤 것은 나에게 인정되지 않는다.’라고 이렇게 주장하고 이런 견해를 가진 그 사문-바라문들 가운데 현명한 사람은 이렇게 숙고합니다. ㅡ ‘어떤 것은 나에게 인정되고, 어떤 것은 나에게 인정되지 않는다는 나의 이런 견해를 만약 내가 강하고 집착하고 경향을 가지고 ‘이것만이 진리요, 다른 것은 쓸모가 없다.’라고 말한다면, 나에게 두 사람과 더불어 다툼이 있을 것이다. ‘모든 것은 나에게 인정된다.’라고 이렇게 주장하고 이런 견해를 가진 그 사문이나 바라문 그리고 ‘모든 것은 나에게 인정되지 않는다.’라고 이렇게 주장하고 이런 견해를 가진 그 사문이나 바라문 ㅡ 이런 두 사람과 더불어 다툼이 있을 것이다. 이렇게 다툼이 있을 때 논쟁이 있고, 논쟁이 있을 때 분함이 있고, 분함이 있을 때 해침이 있다. 이렇게 자신에게서 다툼과 논쟁과 분함과 해침을 관찰하는 그는 그 견해를 버리고 다른 견해를 붙잡지 않는다. 이렇게 그 견해들을 버린다. 이렇게 그 견해들을 놓는다.

Comments

선요비처 2019.04.30 12:24

사두 사두 사두

보인 2022.01.28 16:45

감사합니다.

로그인한 회원만 댓글 등록이 가능합니다.

이전 다음 목록